عدم شرب اللبن للحامل لا يسبب اى مخاطر للجنين ( بدائل اللبن )

حامل و مش طايقة اللبن متشربيهوش ولا يهمك و ماتخفيش 

تعالى واريا

انا هقول تجربتى بكل صراحة مع اللبن و الحمل

 انا زى اى واحدة حامل مكنتش بطيق اللبن ولا ريحة و لا طعم و مش اول ثلاثة شهور بس لاة طول الحمل مش طايقة اشوفه حتى يا ناس

طول الحمل مش بشرب لبن و كانت النتيجة 

تعالى اعملى مفاجأة لجوزك من غير ما تكلفى ( للمفلسين اللى زيى )

انهردة جيبلك موضوع حلو اوى هيدخل شوية بهجة للبيت و هغير مودك و مود جوزك

الفكرة ان انتى هتقول لجوزك انك بتحبيه بطريقة جديدة و مختلفة
انا بصراحة عملتها فى عيد الحب
بس مش قادرة اوصفلكم جوزى كان مبسوط ازاى و متفاجأ
يلا نبتدى
جبت فيل WORD و عملت الورقة ديه

الورقة ديه كتبت فيها انا بحبك جوزى ليه او الحاجات اللى بتعجبنى فيه و بحبها فيه
طبعا كل واحدة ممكن تغير الكلام
المهم ان النتيجة واحدة فى الاخر
هتقصيهم بالمقص كدة 

و بعدان هتجيبى الادوات ديه بسيطة خالص و مش مكلفة بالمرة
2 شفاطة حمرا
بلالين ياحبذا تكون حمرا
لزق
خيط انا مش استعملته  بس ممكن لو مش بتعرفى تربطى البلونة

 هطبقى القوب الصغيرة و تحطيها كل واحدة فى ببلونة

 و تنفخى البلالين جيبى معاكى زور احتياطى ههههههههههه كله فدا جوزك

 اهى البلونة جوها الورقة

 هتربطى البلونتين فى بعض كدة

 هتثنى الشفاطة عليهم

 و تلزقيها بالسلوتيب

 و تكملى

 هنا القلب الكبير لزقت السلوتيب بالعكس علشان الزق القلب الكبير

 و ديه كانت النتيجة

 لزقتها على الحيطة و هو خارج لقها و اتفاجا و انبسط جدا
خليته ياخدها و يعقد و بابرة يفرقع كل بلونة علشان يعرف بحبه ليه

 و ديه الصورة بعد ما فرقعهم
بجد كانت مفاجأة حلوة اوى
يا رب تعجبكم و تعجب ازواجكم يا ريت تجربوها و تبعتولى النتايج

ازاى تحمى نفسك و عائلتك من فيروس الزيكا اللى بدأ ينتشر فى مصر بابسط الطرق (ج2)

اكلمنا قبل كدة عن ازاى تحمى نفسك من فيروس الزيكا و هنكمل سوا ان شاء الل فى الجزء التانى
لينك الجزء الاول
http://crazymothers.blogspot.com.eg/2016/02/1.html

رابعاً وسائل طبيعية للحماية من الناموس و البعوض

1-      طارد الناموس من الزيوت الطبيعية 

استخدمى القطارة

10-25 قطرة من الزيت العطرى
2 ملاعق كبيرة من الزيت الناقل

الزيوت العطرية التي تعمل بشكل جيد ضد الناموس هى:
زيت القرفة
زيت الكافور بالليمون
زيت السترونيلا
زيت الخروع

الزيوت الناقل آمنة تشمل ما يلي:
زيت الزيتون
زيت عباد الشمس
أى زيت طهى آخر

يمكنك مزج العديد من الزيوت العطرية الطاردة للناموس ووضعها فى الفواحة بالشمع

2-      مصيدة التخلص من الناموس و البعوض 

تقطع  زجاجة بلاستيكية الي نصفين و يوضع بها 200 مل من الماء الدافيء و 50 جرام سكر و عندما يبرد الخليط يضاف جرام من الخميرة يوضع النصف العلوي مقلوباً علي الزجاجة و تغطي الزجاجه بأي ماده معتمه ورق لاصق ...الخ
من المعروف علمياً أن البعوض ينجذب لثاني أكسيد الكربون و الذي هو أحد مكونات هواء الزفير الخارج من أجسامنا
تتغذي الخميرة الموجوده في الزجاجة علي السكر و تنتج ثاني أكسيد الكربون الذي يجذب الناموس الي داخل الزجاجه و من ثم يفشل في الخروج و يقضي عليه .

3-      استخدام المكنسة الكهربائية يوميا كآداة لسحب البعوض و الناموس بكفاءة حيث يعجز  البعوض و الناموس  عن مقاومة قوة السحب القادمة من المكنسة حينما تقترب منه حتى لو حاول الطيران سيفشل في الإبتعاد يجب مراعاة أن تتم العملية في إضاءة خافتة نوعاً حيث يقل نشاط كلاً من الذباب و البعوض في الإضاءة الباهتة

4-      زراعة النباتات الطاردة للنباتات

 فى الجزء السابق نصحت بان اللى زراع نباتات يرميها فورا لانها تاتى بالناموس و البعوض و لكن يوجد بعض النباتات التى يتجنبها البعوض لمحبى الزراعة

1-      النعناع رخيص فى مصر و متواجد ممكن زراعته 

2-      اللافندر الناموس و البعوض لا يحبوا رائحة اللافندر يتميز اللافندر ايضا بشكله الجميل عندما تتفتح ازهاره

3-      الريحان يمكن اخد بعض من اوراقه و مزقها و فركها فى بشرتك عند الخروج للحماية من الناموس و البعوض

 

و اخيرا عند الخروج يمكنك ارتاء الملابس الفاتحة لعدم جزب الناموس و البعوض و دهن جسمك بقليل من زيت جونسون مخلوط ببعض الزيوت العطرية السابق ذكرها 

اتمنى ان اكون افدتكم و يا رب يعجكم الموضوع

لينك الجزء الاول http://crazymothers.blogspot.com.eg/2016/02/1.html

ازاى تحمى نفسك و عائلتك من فيروس الزيكا اللى بدأ ينتشر فى مصر بابسط الطرق (ج1)

طبعاً كلكم سمعتم عن فيروس الزيكا اللى مسبب رعب للعالم كله بسبب سرعة انتشاره و انه حتى الان لا يوجد مصل يقى منه

و المشكلة كمان انه انتقل الى مصر عن طريق الناموس

طب ازاى احمى نفسى و عائلتى من الفيروس ده

طبعا مش هقول روشوا مبيد حشرى لانه مفعوله وقتى و مش امن على الاطفال و الحوامل 

و اكتر ناس محتاجة حمايه هم الحوامل و خاصة فى الشهور الاولى لان المرض ده بيسبب تشوهات للجنين حيث ان الفيروس ينتقل من الأم إلى الجنين عبر المشيمة، ويؤدي ذلك إلى ضمور حجم رأس الطفل حديث الولادة

الحل

اولا كل حاجة ممكن تجيب حشرات ناموس بعوض اى حشرة لازم تبعديه

1-      اى زرع ممكن يجيب الحشرات معلش لغاية لما الازمة تعدى ارمى الزرع ده فوراً .

2-      باسكت الزبالة يبقى عندك باسكت برة الشقة كل يوم بالليل تفضيه فى البسكت اللى برة و تقفليه كويس .

3-      الموز لما يكون مكشوف بيجيب حشرات طايرة و قشر الموز بالذات اى اكل فاكهة على الثلاجة على طول .

ثانيا طهرى شقتك

1-      امسحى الارض بالديتول و الديتول الاصلى مش الماركات اللى طالعة تقليد ده هيطهرلك الارض تماماً

2-      امسحى كل الاسطح بالديتول بجد تنظيف و تطهير ولا اروح من كدة حتى مع الخشب بيديله لمعة حلوة و ريحة النظافة مقولكيش .

3-      غيرى الملايات كل 3 ايام بالكتير و اغسلى كل الغسيل بردو بمسحوق و ديتول انا بحطه فى الجزء بتاع المنعم و على اخر شطفة فى الغسالة .

ثالثا حصنى بيتك

طبعا لازم شقتك تتهوى يدخلها شمس و هوا ء

1-      لو شبابيكك من غير سلك لازم تحطلها سلك 

2-      لو مش نافع سلك لازم لو فتحتى تحطى الستارة الخفيفة

3-      ممكن تلجأى للناموسية على سبيل الاحتياط بالليل 

و اخيرا 

وسائل طبيعية للحماية من الناموس و البعوض

و ديه فى الجزء اللى جاى